ගාන්ධි ඝාතකයින්ට නිදහස ලබාදීම ඉන්දීය ජනපති ප්‍රතික්ෂේප කරයි.

ඉන්දියාවේ හිටපු ජනාධිපති රජිව් ගාන්ධි ඝාතනය කළ බවට එල්ල වූ චෝදනාවලට වරදකරුවන්  හත් දෙනා නිදහස් කරන්නැයි  තමිල්නාඩු ආණ්ඩුව කරන ලද ඉල්ලීම ඉන්දීය ජනාධිපති රාම් නාත් කෝවින්ද් මහතා විසින් ප්‍රතික්ෂේප කරනු ලැබ ඇති බව “ද හින්දු” පුවත්පත වාර්තා කරයි.

සිරකරුවන් නිදහස් කිරීම සම්බන්ධයෙන් තමිල්නාඩු ආණ්ඩුව කර තිබෙන ඉල්ලීම සම්බන්ධයෙන් මධ්‍යම ආණ්ඩුවට එකඟ විය නොහැකි යැයි තම තීරණය දැනුම් දෙමින් ඉන්දීය ජනාධිපතිවරයා ප්‍රකාශ කර ඇත.

LTTE සංවිධානයේ සාමාජිකාවක විසින් එල්ල කරන මරාගෙන මැරෙන බෝම්බ ප්‍රහාරයකට ගොදුරු වීමෙන් 1991 වසරේ මැයි 21 වැනි දා රජිව් ගාන්ධි ඝාතනයට ලක්විය.

දැනට වසර 20 කටත්  වැඩි කාලයක් මොවුන්  බන්ධනාගාර ගතව සිටින  බැවින් මානුෂීය කරුණු සළකා බලමින් මෙම සිරකරුවන් හත්දෙනාට සමාව ලබාදී නිදහස් කරන්නැයි තමිල්නාඩු ප්‍රාන්ත ආණ්ඩුව පසුගිය සිව් වසරක කාලයේදී දෙවතාවක් ස්වදේශ කටයුතු අමාත්‍යාංශයට ලිපි යවා ඇත.කෙසේ වුවද ඉන්දීය මධ්‍යම රජය මෙම ඉල්ලීම ප්‍රතික්ෂේප කරන බව ඉන්දිය ජනාධිපතිවරයා දැනුම් දී තිබේ.