අගහරු ග්‍රහයා මත ඇති වූ දුවිලි කුණාටුවක් නිසා
එහි යවා ඇති නාසා ආයතනයේ ඔපර්චුනිට් රෝවරයට තර්ජනයක් එල්ල වී ඇති බව මාධ්‍ය වාර්තා
කරයි. මෙම වැලි කුණාටුව එල්ල වීමට නියමිතව ඇත්තේ පර්සවෙරෙන්ස් වැලි නම් ප්‍රදේශයටයි.
නාසා ආයතනය අපේක්ෂා කරන්නේ මෙම කුණාටුවෙන් රෝවරයට බලපෑමක් එල්ල නොවෙනු ඇති බවත් එය
සිය මෙහෙයුම් ඉදිරියට පවත්වා ගෙන යනු ඇති බවත්ය.
මෙම ඔපර්චුනිට් රෝවරය අගහරු ග්‍රහයා වෙත යැවුනේ
2004 වසරේදීය. මෙම රෝවරය මාස තුනක පමණ කාලයක් සදහා සැකසුවත් එය මේ දක්වාම සාර්ථකව
පෘතුවියත් සමග සබදතා පවත්වාගෙන සිටියි. රෝද හයකින් සමන්විත මෙම රොබෝ ගවේෂණ රෝවරය
ක්‍රියාත්මක වීම සදහා අවශ්‍ය බලය ලබා ගන්නේ සුර්යයාගෙනි. නාසා ආයතනය පවසන්නේ අගහරු
ග්‍රහයාගේ හතරෙන් පංගුවක් වසා ගනිමින් පැතිරුණු මෙම වැලි කුණාටුව නිසා එහි සුර්ය
පැනල වැසී ගොස් ඇති බවට විශ්වාස කරන බවයි.
ඔපර්චුනිට් ව්‍යාපෘතියේ කළමනාකරු ජෝන් කැලස් පවසා සිටින්නේ “අහස පැහැදිලි වූ ගමන් රෝවරය නැවත
බල ගැන්වී නැවත පෘථිවිය හා සම්බන්ධ වනු ඇති බවට විශ්වාස කරන බවයි”. මෙහිදී රෝවරය
මෙම කුණාටුවත් සමගින් එන වැලි වලින් වැසී යාමේ අවස්ථාවක් නොමැති බවට ඔවුන්
තවදුරටත් පවසයි.
Comments
Post a Comment